蔡嘉欣隱瞞紋身 無綫照開綠燈

成功入圍十強的蔡嘉欣，在才藝表演環節中捨棄熱門的跳舞與樂器表演，以另類的「時裝設計」作突圍，即場將一條現成裙子改裝，頗為騎呢。一直迴避腰間有紋身的她，昨日終於開腔承認，指該紋身是18歲時的紀念：「想做啲大膽啲嘅事，但又驚會後悔，所以揀咗個隱蔽地方，估唔到記者咁神通廣大，想瞞都瞞唔到。（博大霧？）係囉！唔會自己認、自爆。（唔誠實影響仲大？）考慮咗成個月，點樣回應先最好。」又稱大會知道她有紋身，有否影響便要看評判準則，但不會考慮洗紋身：「着泳衣都遮得好好。（點解一直唔承認？）我知好多人未必鍾意。」