《Teen Choice頒獎禮》前日於洛杉磯赫莫莎海灘舉行，美國天后Taylor Swift以彩色外套配合低胸連身短裙，大晒長腿，不過同場的美國女星Sarah Hyland以吊帶低胸露臍背心加上短裙示人，更加搶鏡！Taylor獲頒頒獎禮史上首個「經典偶像獎」，滑板形獎座特別印上她三隻寶貝寵物貓的照片，她笑說：「美學上嚟講，呢個係我最鍾意嘅獎。」
而「鐵甲奇俠」羅拔唐尼（Robert Downey Jr.）憑《復仇者聯盟4：終局之戰》（Avengers: Endgame）獲頒最佳男主角，他與一班扮成鐵甲奇俠的小朋友上台，場面搞笑。