男神三揀一傅嘉莉情傾「初戀」

傅嘉莉陷四角戀，終由網民代為決定揀「展昭」張振朗。

Kelly在劇中的情緣成為焦點，她與智勇雙全的「展昭」張振朗情路崎嶇，男方鼓起勇氣準備示愛，她卻被「皇上」張頴康納為妃嬪，「展昭」錯失良緣，加上霸氣「鐵將軍」歐瑞偉，面對三大男神，Kelly索性網上開Po，且看網民心目中最想她選哪位「男神」，最終「展昭」以七成票數大熱勝出，民意與劇情進展大有出入。

唔想後宮爭寵

說到要在男神中三揀一，Kelly直言「好難揀」，大讚這個網民結果不錯，她分析說：「展昭係我個角色湯曉晨嘅初戀對象，佢又係魔鬼教練同救命恩人。但皇帝後宮三千，若果我封妃就會有爭寵局面，都幾勢成騎虎。」有網民形容「將軍俗套、皇帝風流、展昭懦弱」，提議她選包拯或是網民，認真搞笑！

開心有得登台

至於「包拯」譚俊彥昨日到電台受訪，他表示父親狄龍也有看其演出：「佢話同佢嘅年代好唔同，有搞笑、愛情、非傳統式演繹。（外界評價好壞參半？）睇慣傳統會覺得唔一樣，亦有人鍾意呢種，所以參半都正常。下星期仲有我嘅愛情線。（未見過包拯有咀戲？）係呀，要睇啦！」又笑言：「咀完姚子羚，佢塊面就畀我整黑晒！」早前他亮相《流行經典50年》唱歌，笑言之後有人搵他去雲頂登台，十分開心。

歐瑞偉（左）、張頴康及張振朗「抱」得美人歸。	譚俊彥	「包大人」譚俊彥叫大家睇佢點咀姚子羚。