李靖筠生日願望有工開

英皇新人李靖筠昨日到電台宣傳新歌《第三顆行星》，指新歌以大愛為主題，各人都有崗位，希望能互相尊重。本月1日生日的她表示能於工作中度過很開心，然後跟男友及朋友打邊爐慶祝，問到踏入26歲可有目標？她說：「本身冇話要攞咩獎或要做啲咩，咁樣會令自己唔開心，上年嘅願望係今年生日有工開，所以今年願望係出年都有工開。」繼而透露剛完成一部電影，預計年底上映：「好少拍啲愛情拍拖戲。（男友好放心？）佢冇乜所謂。」