朱智賢鄺潔楹破限奶令水着玩冰火

鄺潔楹

無綫王牌旅遊節目之一《3日2夜》，播出以來因有不少泳衣鏡頭成為熱話，更令多位女藝人紅透網絡。其後因無綫出「限奶令」，泳衣環節大幅減少，但未知是否因近月社會氣氛沉重，節目悄悄解封氹觀眾，繼上周鄧以婷與阮嘉敏大晒事業線後，新一集有朱智賢（朱朱）及鄺潔楹（Judy）接棒出「峰」頭！

失足跌落湖 凍到尖叫

朱朱與Judy組成「大朱小朱去旅行」，一同往芬蘭拍攝新一輯節目，兩女在極寒冷天氣下坐雪橇及滑雪，凍到鼻子通紅兼流晒鼻水！雖然天氣超凍，但仍有觀眾最期待的泳裝環節，大小朱穿上連身泳衣挑戰「冰火二重天」，焗完桑拿後衝到冰湖，並在只得零度的湖水浸10秒！兩女衝出去冰湖時一個大叫「好凍」，一個大叫「好熱」，朱朱更不慎失足跌落湖，上水後凍到紮紮跳兼尖叫，畫面有趣又繽紛！朱朱說：「點解我做咩都咁笨？不過都好，唔係跌落去我都未必夠膽落水，但依家Pat Pat可能瘀咗一撻。」

朱智賢與鄺潔楹接力露肉，看來「限奶令」已悄悄解禁！	話明玩冰火，先嚟個正宗「芬蘭浴」先！	朱智賢失足跣落冰湖，上水時不停嗌凍！

整集節目猶如「細膽朱朱成長記」，外形高大的朱朱勁細膽，玩乜都驚驚青青，相反細細粒的Judy膽生毛，活潑好動勇於接受挑戰，這種反差非常有節目效果。Judy讚「家姐」朱朱一日比一日大膽，開始肯挑戰不同任務，又讚對方非常關心她，儼如真家姐一樣。

鄺潔楹浸入冰水數10下，震到起晒雞皮。

鄧以婷（右）與阮嘉敏在上集同樣水着上陣，大晒Body。