胡楓「聲」援 阮兆祥聽到眼濕濕
阮兆祥與唱片監製譚國政昨午到電台受訪，宣傳祥仔即將推出的HiFi碟，唱片封套邀得Super Girls成員Aka畫插畫。祥仔表示今次翻唱女歌手的經典歌，其中《天各一方》的獨白部分重新填詞，並邀來胡楓聲演，他說：「起初修哥（胡楓）話『我講嘢咁（漏口）你都搵我？』畀咗詞佢睇，最終佢答應。錄音嗰日我哋聽到眼濕濕，份詞係講男主角喺墓前向已逝去嘅女伴訴心聲。」
談到歌手石詠莉早前表示翻唱別人的歌遇怪事，祥仔笑說：「我淨係試過以前喺電台深夜無端端聽到怪聲，一望之下發現原本右傾擺放嘅黑膠碟，突然反方向左傾。又試過做節目嗰陣，有『4D眼』嘅拍檔話我後面企咗個『朋友』！」