高海寧特訓陳豪做網紅

近年開始玩網上平台的陳豪間中會晒親子樂照片，最近他與高海寧（高Ling）拍攝廣告，主題夠晒「度身訂造」，片中陳豪唔抵得高Ling的吸Like功力，並請教對方，高Ling即展開「網紅訓練班」，教陳豪影相要高炒、用濾鏡等，又要識得引起Fans好奇心，例如跟異性友人食飯只影對方的手，高Ling說：「影埋對方對手，唔使影樣，最緊要係Caption，打Emoji就得喇！留番啲幻想空間畀大家吖嘛！」最後高Ling使出必殺技，偷拍陳豪咬住食物的愕然樣子，瞬間爆Like，滿足他想多Like的願望。