卓林拖Andi晒恩愛 憔悴消瘦
藝人吳綺莉女兒吳卓林前晚偕太太Andi、名媛趙式芝（Gigi）和本地著名時裝設計師鄧達智（William）出席同志婚姻平權活動。一臉憔悴的卓林身形瘦削不少，反而早前被拍得到醫院求醫的Andi精神奕奕，二人恩愛拖手到場兼大方合照，不過未有停低接受訪問。
趙式芝考慮再婚
而Gigi表示另一半JW亦有陪同到場，一貫低調作風未有露面，做Gigi的「背後女人」。談到JW是否其心目中的另一半，Gigi說：「佢係，係我女朋友。」問到與舊愛Sean的事情處理得怎樣？她指因二人的婚姻沒有法律承認，故就如普通分手一樣，又表示很少與對方見面，不過仍大方祝福對方有新戀情，亦認為她們十分夾。對於是次活動，她說：「呢個婚姻平權協會啱啱成立，因為依家香港同性婚姻不被承認，就算喺外國結咗婚返嚟都係有限權益，所以我哋最大目標係用5年時間，可以喺香港爭取到同性婚姻合法。」又坦言待香港同性婚姻合法，才會考慮再婚。
至於William亦直言希望香港同性婚姻合法能夠成功：「以前我唔係咁關注呢樣嘢，但當自己做到後，希望大家可以喺光明正大有法律保障下結婚，而台灣做到，希望香港都可以做到！」提到下月結婚兩周年，問到如何慶祝？他表示與伴侶陳梓欣醫生將到泰國度假：「喺曼谷買咗層樓，順便睇裝修。」另外，名模馬詩慧大女王曼喜孖另一半Anne出現，而歌手鄭欣宜則穿上金色閃爆裙現身。