張文慈變灰姑娘酒局玩唔夜
正放假的張文慈（Pinky）自嘲近日「無事忙」，故爭取機會與老友敍舊「還債」，日前她先相約駱達華及謝君豪等，再約「亞視之友」尹天照及李潤祺等把酒談心，事後李潤祺將「開心照」上載至社交網站分享，並留言：「永遠是最開心，無所不談。」
與謝君豪及尹天照之約，Pinky坦言背後意義重大：「我哋仲傾埋下次計劃，因為之前合作拍咗套福音電影《奇蹟13》，雖然仲做緊後期，但已經有計劃再下一城，我哋連電影名都改好，暫時叫《逆天行者》。」她又打趣自嘲體力大不如前：「依家我係灰姑娘，唔玩得太夜，即使帶咗酒出嚟分享，最終大家都清唔晒，要攞返屋企『擇日重賽』，我好開心人生中有呢班傾得埋嘅異性老友！」