簡幗儀暫別性感唔怕Fans失望

網紅兼時裝設計師簡幗儀（Lilian）早前出席池畔派對，身穿一件頭泳衣現身，她笑言現場不乏索女穿比堅尼，自己算較為保守，不過大批網友已經收貨，大讚她索爆！
一件頭泳衣冇睇頭？簡幗儀以火辣甫士搭夠。
一件頭泳衣冇睇頭？簡幗儀以火辣甫士搭夠。

講到過去幾年書展都有推出寫真集，以靚人靚衫做賣點，Lilian透露今年推遲一點才出書，但相信Fans不會失望：「新書特別搵嚟韓國攝影師同化妝師，多咗份優雅感覺，相信男女Fans都會鍾意，而且有近50個造型。不過事先聲明，今次冇性感相，因為之前影過好多，想試吓其他感覺，出嚟效果我好鍾意。」

簡幗儀新書轉玩韓風，展現優雅一面。
  • 簡幗儀新書轉玩韓風，展現優雅一面。