張曦雯同謙仔親熱撩楊怡交流

謙仔與張曦雯演情侶。

除了有謙仔和Kelly外，韋家雄、徐榮、張秀文、張文慈等昨日齊齊為新劇試造型，劇中演律師的Kelly首次與謙仔合作，得知謙仔稱太太楊怡或會來探班，她即說：「好呀！Sorry，其實我比較期待見阿怡多啲，佢係出色嘅演員，同佢家姐卓娜拍過兩套劇，都好想阿怡多啲嚟探班，多啲交流。」至於與謙仔可有親熱戲？她說：「應該有。（如果阿怡喺現場，拍攝咪好尷尬？）相信大家都係演員，會好明白嘅。」再問到可有性感場口？她笑說：「暫時未睇到有，咁劇情需要都OK，但我點都唔夠阿謙咁好身材。」

目標半年內一擊即中

至於謙仔表示此劇最吸引是可以與韋家雄合作：「我太太同佢合作好多，本來今日太太諗住送我開工同收工，點知我講錯日子，事關太太都想嚟打招呼，見吓班舊朋友。」問到楊怡是否養尊處優生B？他坦言：「結婚之後係有計劃生小朋友，但婚後有一半時間唔喺香港，令計劃實行唔到，今年好啲，呢半年可以留港拍劇。」豈不公私兩忙，收工便要回家開工努力「造人」？他笑說：「對自己體能好有信心，冇問題。（為咗生B而拍劇？）咁我覺得要實行啦，都係其中一個因素。」

楊怡近年養尊處優，隨時做媽咪。

與張文慈齊齊試造型的韋家雄，原來是謙仔接劇其中一個原因。