張敬軒立定遺囑嗰刻好震撼！
張敬軒昨日推出本年度第三首新歌《感情寄生族》，繼續大談生死態度，如何面對和領悟生死的必經過程，他分享離「死亡」好接近的經歷︰「廣州屋企養嘅一隻十六歲狗仔，今年走咗；之前有個同我一樣大嘅舊同學，都係走咗。」
他亦自爆早已立下遺囑︰「喺我入咗行大概六、七年，一位圈中前輩提醒我要識得規劃未來生涯，當中包括訂立遺囑，好記得第一次上律師樓立平安紙嘅時候，簽名嗰刻係好震撼！第一年簽覺得好大吉利是，之後每年去更新嘅時候，又加咗啲新嘢入去。當你開始去模擬一個所謂葬禮嘅時候，你會知道自己最愛係邊啲人。」講到新歌MV，他指MV導演及女主角延續了《空手而來》的班底，可說是其續集。