喪妻30年 羅莽再墮情網父女戀同居
現年65歲的羅莽喜逢第二春！一向形象硬漢子的他，自1989年喪妻後，一直未聞有新戀情，但原來他8年前已再墮愛河，與相差廿歲的內地女子拍拖，兩人感情非常之好，已是同居關係，但未打算結婚！
武打藝人羅莽的名字經常被網友用來開玩笑，「我墮入羅莽」金句更非常洗腦，如今羅莽「墮入情網」更廣受網友關注！昨日他接受訪問大談拍拖8年的女友，當然有讚無彈：「我哋兩情相悅，拍拖拍得相當開心，已經同居緊。」問到有否打算再婚？他說：「依家呢個年代唔同，只要大家開心就得，唔需要搞咁多嘢、咁鋪張，但都唔排除將來會考慮。」
畀錢女友幫手投資
至於女友有何吸引之處？羅莽笑說：「大家喺性格上會互補長短，平時就佢教我講普通話，我教佢英文，佢以前喺內地開股票公司，所以對投資有一定心得，我都有畀錢叫佢幫我投資。」
談到近況，羅莽透露將首度演出舞台劇《夜谷賓館》，他於劇中飾演劊子手，角色有很多變化，非常喜歡，現正全副心機積極綵排，希望將最好的帶給觀眾！