Lincoln@天堂鳥半裸吊癮
男子跳唱組合BOP天堂鳥昨日舉行新歌《重新》暨MV發布會，是三子加入新公司後首支跳舞快歌，唱盡他們的內心世界。問到重新出發是否要擺脫「MK POP」之名？Gordon笑言：「擺脫咗好耐，我哋係冠軍！」
Lincoln在MV中赤裸上身露腹肌，他指是公司要求，問到緋聞女友「美女學徒」鍾晴可有見過其赤裸上身？他即時劃清界線：「我單身o架！我哋係朋友，可能之前滑水佢有睇過，有同佢透露過MV會脫，但冇畀佢睇，賣吓關子、吊吓佢癮。」Gordon則自爆今次拍MV要簽生死狀：「嗰日掛緊8號風球，喺廣州啲危樓廢墟拍，上面有好多爛玻璃同爛鐵片。」