張致恒下月結婚唔擺酒

張致恒早前突然宣布與粉絲雯雯結婚兼已做爸爸，隨即被爆「一腳踏N船」，又指他多次問舊愛借錢，連累BOYZ演唱會叫停，其後改由關智斌（Kenny）與英皇群星演出，Steven在社交網認錯及向被蒙騙的女友April致歉。

稍後離港拍戲

昨日約12時，Steven手抱愛犬與雯雯一同離開寓所，見記者時表現友善，他先將愛犬交給雯雯，然後大方受訪。他指愛犬與家中另一狗狗打架受傷，故帶牠睇醫生。問到心情如何？他說：「依家都需要沉澱吓，希望未來做得更好。（BOYZ演唱會變咗得番Kenny。）咁都好，我可以放下心頭大石。」

問到是否沒想過公布婚訊後，引起連串是非？他說：「結婚係人都會，我都係盡自己嘅責任。以前貪玩，依家有咗BB，要向前看，係時候為咗家庭努力。」問到經濟狀況？他苦笑說：「唔講咁多啦！」他指一直有與公司聯絡，之後會離港拍戲，並承認事件對工作有一定影響。

「唔應該再講咁多」

他又稱婚禮將於下月舉行：「應該下個月，但暫時唔會擺酒。」之後再次道歉：「唔好意思，依家香港咁亂，我自己又搞到大家咁亂，其實唔應該再講咁多嘢，真係唔好意思搞到大家。」之後上車會合雯雯，到太子一間獸醫診所。抵達後，他帶愛犬睇醫生。約1時許，Steven離開時透露愛犬耳仔發炎，買了兩袋狗糧便回家。