李亞男順祖藍意「六」續有嚟
藝人李亞男去年底榮升媽咪，為王祖藍誕下女兒王天韻（Gabrielle），不過她絕非湊B初哥，她從少就負責照顧比自己年輕11歲的胞妹，又閱讀大量育兒書籍，但她仍謙稱只算是合格媽咪。亞男指女兒跟自己小時候完全一個餅印，出乎意料，並笑說：「我佗嘅時候一直諗住係慳啲啦Baby個樣，而且佢好高，依家七個月係一歲高度。（將來畀佢選美或做模特兒？）佢乜都可以試，唔試唔知自己鍾意乜，但要努力讀書先。」不過，她揚言自己並非怪獸家長，認為品格比學歷重要。
湊女難拍劇
至於工作選擇方面，她稱以女兒行先：「唔可以離開香港一星期。（拍唔到劇？）難啲，要等囡囡大啲先得。（再生？）因為我係開刀，唔可以咁密，要休息一年先。（想生幾多個？）老公話一係兩個、四個或六個。」
雖然現時女兒放首位，但亞男很重視夫妻關係：「我哋日日都會傾吓偈同互讚，我成日讚佢靚仔。」問到會否擔心經常在內地工作的祖藍多誘惑？她信心十足：「佢好少單獨約女性出街，如果佢要車女性返屋企，佢會一邊開車，一邊開speaker同我傾電話，佢叫我唔好太信佢，否則佢會冇咗提防心。」
髮型：Ted Yeung@ii Alchemy hair & nail
化妝：K.T.Tsui
場地：ClubONE水中天