李幸倪富貴男友未落訂

歌手李幸倪（Gin Lee）推出全新國語碟《浮世繪》，作為送給自己入行10年的禮物，其中《以愛情的罪名》講述大家為追求愛情可能會犯很多不同的錯。問可有類似經歷？她坦言很理智：「當然都會喊、唔開心，但傻到好極端嗰啲我又未必有，我嘅理性大過感性。」又謂分手時未試過要生要死，反而試過有追求者求愛不遂對她又喊又跪。

事業得意，問到有個富貴男友的她在愛情方面是否幸福美滿？Gin說：「OK啦，各方面都要繼續努力。」可會有下一步目標如結婚？她則指很矛盾：「當然我好鍾意唱歌，但一工作就會好忘我，不知不覺會犧牲咗好多嘢，唔希望自己淨係有工作冇其他生活，希望攞到個平衡，唔係話唔唱，但希望呢3、4年事業上係要全力拚搏，之後可以去到另一個階段，享受多啲生活，做吓其他嘢。」

結婚生仔話唔埋

問到即將32歲的她可會待35歲才結婚生仔？她說：「話唔定o架，但唔會心急，一步一步嚟。（過3、4年先考慮？）係啦！（視男友為結婚對象？）我係一個每一次拍拖都希望結婚嘅人，每次都會好認真對待每段感情。」提到有傳聞指她去年秘密訂婚，她驚訝笑說：「吓？咁癲？」然後連聲否認：「真係冇！」

另外，有消息指同公司的師弟符致逸暗戀她，知道她拍拖更晴天霹靂，Gin哈哈大笑說：「嘩！佢好慘呀！我使唔使打個電話安慰佢？冇啦！我同佢好朋友。（唔覺佢追過你？）冇啦！」

場地：柏寧酒店

髮型：Eve Chiu @ muse hair

化妝：Yannes Lee @ NDnCo

服裝：YOOX