Rose Ma摸清性趣SheShe唔拘
現年26歲的電競女神Rose Ma自爆是宅女，試過喪打機超過一日，直至見暈才收手。目前單身的她吸引過不少異性及同性追求，摸清自己對「性」的態度後，她直言只要適合，不排除發展「SheShe戀」！
Rose Ma（馬俊怡）憑34D、26、36驕人身材「凸」圍而出，早前推出的另類寫真廣受宅男歡迎，她與經理人達成共識，日後希望向演員之路發展，並已獲邀演出電影。近日她以索爆泳裝Look登場，就連到海邊戲水的狗狗也被吸引！
一身雪白肌膚的她，自爆一直拒絕與陽光玩遊戲：「我有10年冇去過海灘玩喇，怕人多嘅地方，對自己亦冇乜自信。（試過有艷遇？）都有人搭訕，不過通常身邊朋友都會幫我擋，好安全。」她笑言最喜歡的活動可在室內進行：「我最鍾意打機，試過連續打30個鐘廢寢忘餐，直至見暈知『出事』，先停低瞓覺。」她還打趣表示，怕出街的主要原因是裝身問題：「搞一輪先出到門，好嘥時間，過咗愛蒲嘅日子喇！坦白講，我連搭幾個站港鐵去置裝、食飯都懶，哈哈！」
「唔好控制我」
可能因為「宅」的關係，Rose Ma的感情生活空白一片，問到擇偶條件，她坦言：「唔好控制我嘅工作、錫我，鍾意小動物就會加分。」其實對於愛情，她不是沒有憧憬，其愛情觀我行我素，完全沒有偶像包袱：「好似我本寫真其中一個主題咁，依家嘅我接受到同性嘅愛，接受到同女生一齊，只要覺得適合就冇問題。（試過畀女生追求？）14、15歲嘅時候試過，不過當時我對性仲係探索階段，根本唔知自己想要啲乜，所以拒絕咗。」