蘇頌輝擺喜宴豪言生半打

蘇頌輝與新娘林藹兒一起切蛋糕。

蘇頌輝（Desmond）坦言有了在布吉的註冊經驗，昨日擺酒未致太緊張，一早已認定Sophie的他表示拍拖4個月已經買定戒指，計劃旅行時求婚，最後在泰國求婚成功。問到太太有何吸引？他說：「不如話佢有乜唔吸引我，佢乜都好，出面又靚，裏面有內涵又有耐性。（畀足一百分？）唔止。」Sophie亦給老公一千分：「其實一開始都有啲驚訝佢咁快求婚，但佢令我好安心好Care我，令我冇顧慮。」

造人隨時都有Mood

談到造人大計，Desmond揚言不用等太久，因為太太喜歡小朋友：「我哋第一次約會，我就問佢鍾唔鍾意小朋友、想唔想生？佢話好鍾意，想生六個。」之前他們已到日本度蜜月，稍後會再到濟州、日本及新西蘭，問到去外地是否為方便造人？Desmond冧爆說：「有咁靚嘅太太，唔使去旅行都有Mood。」而好友薛家燕、陳智燊（Jason）、宋熙年（Sarah）、陳偉琪、王梓軒和伍允龍亦有出席婚宴。薛家燕指與新郎媽咪蘇蔡潔蓮相識廿多年，仔女一同成長，如今Desmond結婚很戥他開心。

陳偉琪讚新娘似香香

陳智燊夫婦剛從蘇梅島旅行返港，Sarah在旅途中宣布將離巢無綫，直言老公給她很大勇氣，並形容兩公婆同坐一條船，問會否趁機再造人？Sarah說：「如果咁有幸有咗，都會接受。」曾跟新郎一同主持節目的陳偉琪指雙方很熟：「佢宣布結婚前，我已經見過佢女友，佢好似香香（岑麗香），好Cute好鍾意佢。」

甜蜜咀嘴	陳偉琪	陳偉琪、陳智燊夫婦戥新郎哥開心。
薛家燕（右二）與蘇蔡潔蓮相識多年，其子Desmond小登科當然畀面出席婚宴。