林奕匡滯留美國騰雞搵酒店
歌手林奕匡（Phil）與師妹黃妍昨日為本月8日舉行的音樂會綵排，首次與交響樂團合作，黃妍說：「有少少緊張，所以依家要瘋狂練習。」
Phil剛從美國進修音樂返港，他大呻回程時因天氣變差，在美國滯留了十多個小時：「第一次遇到呢啲情況，航空公司安排咗酒店留宿，但酒店房爆晒，所以我要自己漏夜搭車入市中心搵酒店。未試過咁慌張，來回搭車用咗800港元，瞓得3個鐘就要趕飛機。」續指抵港立即要出席活動，最後只趕到在現場影大合照。
問到會否向航空公司追討賠償？他表示未有時間處理，但回到香港很開心：「本身49日冇見老婆，依家變咗50日冇見，佢都專登嚟接機。」