曹永廉認一舊飯 自願孭鑊

曹永廉一力承擔「出錯」，願意「孭鑊」。

錯漏成日都有

阿廉坦言：「揭開張地圖寫住北宋，自己又講咗啲相關對白，知道畀人笑我穿越未來！地圖係我打開，個鑊我孭咗囉！（一早冇發現？）唔知，我都係大家講先知，平日歷史我都係上網搵o架咋，我讀書唔叻，歷史要記性好，所以呢方面我興趣唔大。（拍劇以來最尷尬一次？）又唔係，錯漏成日都有，『幫朕check吓』、擺支烏龍茶喺度咪仲有事！拍嘅時候冇人留意到，演員又一舊飯咁，相信日後公司會小心啲，阿Q啲諗咪當畀啲嘢人提吓囉！」對於網民指他「顛覆公孫策」，阿廉笑言是計劃之內：「始終好難超越以前，所以注入啲新元素，想吸納年輕觀眾，不過我哋查案仍然好嚴肅。」

胡定欣私藏搞笑片

對於《包》劇推出以來網民反應好壞參半，定欣與子羚及阿廉反應亦相若，定欣談及新拍攝手法時說：「大家講乜都應該接受，我哋自己亦會去諗一諗，但作出唔同嘗試先可以有突破。」子羚亦覺得凡事總會有不同回響，作出新嘗試必會有各種必經階段。定欣又笑言：「總之大家拍攝嘅時候好開心同舒服，例如我哋喺新疆拍刑場戲，阿廉唱『破地獄』，應該係佢首本名曲，我哋拍咗片儲存，次次睇番都好好笑。」

曹永廉飾演的公孫策在劇中揭開「北宋地圖」，被網民笑他是未來人！	譚俊彥 今次你賴嘢喇！	胡定欣（右）與姚子羚希望大家接受劇集的新拍攝手法。