Pandora開騷唔敢鬥舞

樂隊Pandora日前為直播音樂節目任嘉賓,透露將於10月舉行首個音樂會,近日已埋首綵排。為令樂迷有新鮮感,樂隊屆時不僅演唱,還會與樂迷有互動環節:「我哋會玩好多樂器畀觀眾聽,每個人亦有Solo部分,觀眾可以放心,我哋唔會同大家距離好遠。有留意粉絲留言,話最想睇Michael跳舞,我哋自問唔跳得,到時都係同佢伴奏啦!伴舞都唔好喇!(想唔想有朝一日喺紅館開騷?)梗係想,無時無刻都想,所以要趁音樂會試試水溫先。」並透露9月底會推出大碟,除收錄平日直播騷的歌曲外,還有3首新歌。