陳國峰泰國親子遊浴缸談心

藝人陳國峰（Penny）與圈外太太黃思雅育有一歲囝囝陳梓燐，作為新手爸爸的他，早前首度帶小朋友出國旅遊，一家三口飛到泰國布吉度假。Penny此行全程化身「陪玩」，所有行程都為囝囝度身訂造：「以前我哋旅行都有好多節目，不過做咗爸爸就好唔同，冇乜點自己玩，主要都係睇住梓燐，陪佢游水。原來帶小朋友去旅行真係好攰，但就好開心同好值得。（囝囝有冇扭計？）去之前都好驚，但佢無論搭飛機定住酒店都好乖，完全冇喊。」
陳國峰最享受陪囝囝游水，大讚囝囝乖。
陳國峰最享受陪囝囝游水，大讚囝囝乖。

而Penny亦趁機赤膊大晒爆肌身材，又透露最難忘一家人在浴缸浸浴：「香港環境比較細，未試過成家人一齊浸浴，一邊浸一邊傾偈，感覺好溫馨！」

  • 放大圖片
一家三口的浸浴時光，令陳國峰最難忘。
  • 一家三口的浸浴時光，令陳國峰最難忘。