葉蒨文婚禮從簡慳錢去旅行

無綫藝員葉蒨文早前到意大利出席友人婚禮，順道旅行，她指同輩朋友大多未婚：「朋友嫁咗畀意大利人，去外地參加婚禮都幾特別，對上一次係自己家姐，佢嫁咗去德國。」她自覺年紀尚輕，未有結婚時間表，但希望將來婚禮盡可能簡單，最怕麻煩別人，她說：「如果搵到適合對象，未必會舉行婚禮，可能雙方家人食餐飯、簽字見證就夠。搞婚禮要用好多錢，我又怕應酬，情願將呢筆錢用嚟旅行見識，或者影一輯好靚嘅婚紗相。」