泳兒爛面怨男友

歌手泳兒昨日出席護膚品牌活動，自爆試過爛面爛足一年，當時做「白老鼠」，用了不少護膚品急救皮膚：「嗰時自己有壓力、屋企又有事，加上又係敏感膚質，唔開心到完全唔想出街，自信心跌落谷底。」並大呻男友膚質好，令她爛面時不願站在男友身邊：「當時真係好想打佢，佢想安慰我，但仲令我受傷。（要戒口？）初初有，但愈戒愈瘦，搞到公司以為我有厭食症，叫我去做全身檢查。」她笑言天生面細但易腫，要經常通淋巴，卻因此惹來整容疑雲：「返去新加坡，啲老師、同學都有問我係咪整容！」