翁嘉穗派福利着到咪着吓！
前港姐冠軍翁嘉穗昨日性感現身活動，她表示趁暑假會再與屋企人去布吉及越南旅行，問到屆時是否再着泳衣派福利？她笑說：「冇啦！成日都泳衣咩？會影相留念，但唔會Post，最近食多咗嘢都肥咗。（但仍然着得咁Sexy。）OK嘅，仲着到咪着吓。」
同場還有前天氣女郎黃婉曼，笑言活動前有落新舖打躉︰「我最早返到就落吓單、上菜，啲食客見到我都嗌我做老闆娘。（叫大女落舖幫手？）有o架！專登幫佢搵咗間喺舖頭隔籬嘅幼稚園，佢一放學就會過嚟。（做親善大使？）都得o架！佢大個咗就冇以前咁怕醜，想佢見多啲人。」
