藝人張名雅大仔Mario被惡蚊咬到變豬頭，前晚她將相片放於社交網，講述兒子「遇襲」經過，張名雅留言：「話說前日落雨，爸爸同Mario特登行有瓦遮頭嘅地方到我哋架車。點知Mario應該就喺嗰度畀隻蚊咬咗啖額頭，爸爸嘅手臂都被咬咗兩啖。過咗一日，竟然腫到落眼眉，我見佢差唔多開唔到隻眼咁滯。」難得張名雅還可以講笑：「原來Mario細眼係咁嘅樣（咪咪真係好衰）。」