許廷鏗爆胡鴻鈞約過夜

許廷鏗（Alfred）昨晚出席《CORUM崑崙表2019 Admiral海軍上將系列腕錶發布會》，透露一向有儲錶習慣，但以潮流款式為主。他有感已過30歲，希望擁有一隻體面的腕錶，他說：「一隻靚錶係身份嘅象徵，爹哋之前推薦我買呢個品牌，話可以用嚟投資。（最貴嘅錶價值幾多錢？）5位數字，我想預6位數字買隻靚錶畀自己，呢個數現階段可以負擔到，如果想要再貴啲，就要再努力。」

診所資料外洩

Alfred早前在社交網上載了一段文字，呼籲粉絲不要擅自將其診所資料發布至網絡平台，被問及此事時，他表示是美麗的誤會：「有個支持我10年嘅粉絲，佢受我影響，喺匈牙利讀牙醫，最近返咗嚟香港，搵到我間診所，因為佢太亢奮，喺診所範圍不停打卡、影相放上網，公開咗診所嘅資料，但有啲資料係唔公開得，會對牌照有影響。事後佢即刻刪除咗，又不停Say Sorry，我冇嬲佢，都好感動自己影響到佢做牙醫。」

許廷鏗想花6位數字買錶送給自己，認真豪氣！	林愷鈴早前捱眼瞓趕功課，現終可鬆一口氣。	扮靚靚的楊洛婷轉身晒玉背。

談及好友胡鴻鈞早前拍劇受傷，休養一輪後已全面復工，Alfred透露不時有慰問對方，覺得他受傷後更愛惜身體，而且更生性及為人設想，大感安慰：「身體最重要，我哋成日都有見，佢一好番已經約我打牌，仲話打通宵，都叫佢要錫身啲，唔好咁操勞。」

林愷鈴學儲錢

同場還有藝人龔慈恩的女兒林愷鈴（Ashley）與楊洛婷，Ashley透露早前趕交大學功課，忙得睡眠不足，現時可多休息及出席活動。談到入行後接下不少廣告，是否豬籠入水？她笑說：「財政方面由媽咪同公司處理，我最想學多啲嘢。（儲錢？）我對金錢冇乜概念，依家我19歲，媽咪都叫我要有一個健康理財方法，慢慢學識自己開戶口同信用卡，我18歲先有第一張信用卡！」