甄子丹生日報細數 霆鋒收火送甜頭

子丹擺好姿勢切蛋糕，霆鋒低調地站在一旁，以免搶鏡。

甄子丹最近忙於跟謝霆鋒拍攝由陳木勝執導的英皇電影《怒火》，日日捱熱拍動作戲。兩位主角同樣出名要求高，每個鏡頭都一絲不苟，日前眾人終有機會抽點時間放鬆吓，為身兼監製、動作導演及主角的子丹炮製生日驚喜！

導演搞事：打多錘

當日劇組人員準備好蛋糕，等待子丹走入片場，全場隨即唱起生日歌迎接這位「最強壽星」，補祝他7月27日生日快樂。子丹又驚又喜，更搞笑地跟住大家唱：「Happy Birthday to me！」然後擁抱身旁的導演陳木勝，又不忘詢問拍檔謝霆鋒在哪兒。子丹與霆鋒鏡頭前拳來拳往勁好「火氣」，鏡頭後則老友鬼鬼，霆鋒聽到子丹「召喚」，隨即走向他送抱，導演更搞笑地為他們配音：「打多你一錘！」而眼見大家在酷熱天氣下開工，霆鋒亦識做地「萬歲」請食糖水，以冰涼的甜品為生日會助興。

在子丹「愛的呼喚」下，霆鋒乖乖與壽星仔合照。

霆鋒請食糖水，令子丹的生日會更Happy。

子丹在蛋糕前感性地許願，他說：「近排香港有好多唔開心嘅事，我希望借我『28歲』生日，大家喺呢個Moment都可以開心啲，我哋繼續為香港電影加油！」在眾人的歡呼及掌聲下，他與霆鋒及陳木勝搭膊合照，並與大家一齊品嘗糖水及蛋糕，二人快快食完便準備埋位，非常專業。