夢想喺美國睇NBA 與艾佛遜同框超夢幻！

周柏豪今次完成了粉絲想跟他一起打籃球的願望，對他而言，其夢想亦是與籃球有關：「細個就已經鍾意米高佐敦（Michael Jordan）同艾佛遜（Allen Iverson），佢哋曾經嚟過香港，但嗰時我好細個，搭車都冇錢，莫講話睇佢哋嚟香港表演！直至前幾年喺內地出席一個活動，大會知道我嘅偶像係艾佛遜，所以安排我同佢一齊行紅地氈，我哋仲坐喺一架名貴房車出發去場地，短短15分鐘車程，我同佢傾偈、自拍，係幾咁夢幻嘅畫面呢！（下一個想見邊個偶像？）數之不盡，好多以前NBA殿堂級巨星都係我偶像，不過唔強求親身接觸，見到面已經好開心。」