田蕊妮開騷同吳業坤鬥腹肌

田蕊妮為了增強娛樂性，演唱會加入Talk Show環節。

田蕊妮昨日為9月20日於麥花臣場館舉行的《Kristal Tin New Start Live Concert》舉行記者會，喜歡影相的她，於現場擺放小時候到現在的相片，猶如開迷你相展。當司儀宣布演唱會預訂門票爆滿，她笑言：「唔通預訂門票得三張飛？」 她自爆正構思加入Talk Show，增強娛樂性。

「佢放棄人生」

問到有何嘉賓？她笑言吳業坤「走唔甩」：「諗緊佢喺邊個位現身，要睇佢狀態，嗰日見到佢六舊腹肌又合番埋一體，仲揭起件衫畀我睇。（叫佢苦練？）我諗佢放棄咗人生，應該係佢放棄咗體形，相信佢唔會為咗我個騷操番六舊腹肌，可能我哋喺台上面比併腹肌，或者我練啦。（你揭起件衫騷腹肌？）係呀。」

集氣進軍紅館

阿田表示父親是唱得之人，第一個請的嘉賓是他，還爆父親很緊張，不停唱K練歌。問到可會邀請曾做她MV男主角的古天樂？她笑言：「都想，唔知佢得唔得閒，或者等我喺紅館開先請佢。（下次喺紅館開？）要集氣先得，或者喺紅館門口Busking，希望有生之年做到啦。」

田蕊妮讚父親歌藝出色，又指很掛念亡母。

吳業坤已答應任田蕊妮個唱嘉賓。