葉翠翠拒贏在起跑線教仔要有品

葉翠翠於2015年下嫁周曉東（Raymond），2017年誕下大仔「小王子」Jake後，為了更多時間照顧家庭及兒子而轉做KOL，在2018年再誕下細仔「小小王子」Triton，兩年抱兩，一家四口樂也融融！

正確價值觀

不少父母為讓子女贏在起跑線，力谷小朋友學習，但翠翠反而注重兩位王子的品德，多於學習求知識，她說：「我認為小朋友嘅品德比較緊要，品德係由細培養出嚟，我認為一個正確價值觀，書本上面都未必學得到。」

要貢獻社會

她又稱不會強迫小朋友學習，但仍會安排課外活動給小朋友，觀察他們是否有興趣：「如果佢唔鍾意都唔緊要，我唔會強迫佢去學，或者學其他嘢，例如游水、算術，我提供畀佢，佢鍾唔鍾意學就由佢自己去決定，我好明白一樣嘢，唔鍾意係冇得逼。」翠翠希望兒子日後對社會有貢獻，找一份喜愛的工作。

葉翠翠着重囝囝的品德教育。

Jake（左）與細佬Triton夠晒可愛！

育兒心得

1.愛心及耐性，保持心情開朗。

2.賞罰要分明，多讚賞孩子。

3.學無止境，虛心學習湊仔經。