港姐蔡嘉欣自認大食嚇窒異性
15位應屆參選港姐昨日進行最後一天東京外景拍攝，晚上飛熊本繼續行程。「高妹」楊詠彤（Katy）和姚羽嘉拍外景時遇上白鴿飛過，表現驚慌，原來二人自細對鳥類非常害怕，Katy笑言：「可能我生得高，撞到佢哋機會大啲！（你咁高，有冇試過被男士嫌棄？）以前男友個個都高過我，揀男友唔係睇樣，矮過我都得。」姚羽嘉稱若將來男友喜歡養鳥類，即代表沒緣分。
至於蔡嘉欣覺得今次行程不算辛苦，自評表現有八十分，由於稍後有泳衣環節，現正節食中：「我好大食，食得多過男仔，朋友都覺得我嘅食量好誇張。」
另外，廖倬竩與古佩玲覺得今次表現合格，有些微胖的廖倬竩自爆有上網學擺甫士令自己看起來較瘦，又謂自己雖然愛吃，亦覺東京吞拿魚、和牛「一級棒」，但今次東京之行沒有增磅，算是力保不失。
特派記者陳永峯日本報道