森美怕剪錯慈姑椗

藝人森美昨日到尖沙咀出席活動，分享照顧孕婦的經驗：「阿媽話生我嗰陣出好多血，令我覺得生BB好危險。到太太懷孕嗰陣，我記得做錯過好多嘢，唔夠體貼，好似太太懷孕初期成日嘔，我就叫佢唔好嘔住啦，但其實邊有得忍？始終男人唔係佗B，唔能夠感受到嗰種痛苦！（有冇陪太太入產房？）有，但我驚血，只係望住佢上半身，唔敢周圍望，護士叫我剪臍帶都好驚！（合埋眼嚟剪？）咁唔得喎！剪錯阿仔第二度點算？差唔多咁，所以留番畀姑娘剪，到第二胎生女冇咁驚先自己剪。」問會否再追B？他表示會盡量防止「意外」發生，而且現時可將愛分享給愛犬。