Kolor預告15周年有搞作
樂隊Kolor前晚在旺角麥花臣場館開騷，獲樂隊Dear Jane成員Tim、Howie等到場支持。相隔三年再開騷的Kolor表示，雖然現時仍是邊做正職邊做音樂，但開心可以繼續做喜歡的事，並宣布明年會再開騷，全場即拍手歡呼。
騷前受訪時，主音Sammy笑言開騷前一星期要專心分門票：「好似擺酒咁，呢個唔可以同嗰個坐。」提到預告再開騷，問可會考慮接9月的紅館空檔？他們說：「唔會啦！唔夠時間，其實下年係我哋15周年，有啲嘢傾緊，好大機會成事，但唔可以講喺邊度住，費事講咗又唔係。」講到太太盧巧音做和音，Sammy說：「佢係我哋今日背後嘅女人，因為錄歌時佢都忍唔住入錄音室唱，所以今次請佢上嚟一齊玩。」