同定欣生離死別 譚凱琪喊到變豬包
藝人譚凱琪有份客串新劇《包青天再起風雲》其中一個單元，她表示角色非常可憐，要由頭喊到尾，更差點虛脫：「我係喊包，所以拍喊戲都應付到，但因為太多喊戲，拍到個人有啲虛脫，要不停補充水分，但飲得多又會水腫，睇番宣傳片，見到自己個樣好包！」劇中她跟胡定欣是好友，其中一個場口是兩人面對生離死別，她崩潰痛哭，拍畢後久久未能平復情緒。
另外，譚凱琪正忙於拍攝另一套劇集《愛美麗狂想曲》，飾演壞女人角色，搭上人夫又出賣好友：「監製同我講呢個角色好難演，我都放咗好多心機。（怕唔怕出街畀人鬧？）觀眾會分到拍戲定真實，如果觀眾唔鍾意我都開心，代表佢哋代入咗個角色。」
