黃嘉雯冇份朝聖呻失望

港姐大隊前日啟程去東京進行七天外景拍攝，15名候選港姐分兩批在各區拍攝，昨日其中10位佳麗先到東京車站取景。大熱佳麗黃嘉雯和楊詠彤齊齊受訪，楊詠彤表示昨晨去了主題餐廳拍攝，令黃嘉雯大感羨慕：「我好鍾意比卡超，冇得去好失望！」今日會去築地拍攝的她笑言應該跟楊詠彤交換行程：「佢好鍾意食刺身！」

做瑜伽搣脂

曾任職空姐的楊慧敏之前經常飛東京，對當地市中心非常熟路，由她向佳麗介紹地方特色。她同樣去了主題餐廳拍攝，大表興奮：「係我同哥哥嘅童年回憶，我攞咗啲紀念品，到時可以同哥哥分享！」日本出名多美食，選美卻要保持苗條身段，她坦言：「都有掙扎，不過覺得日本菜唔係好肥同油膩，而且我每晚都拉筋同做瑜伽。」

楊慧敏（左起）、黃嘉雯及楊詠彤東京之行受盡美食誘惑。

周奕瑋帶隊去主題餐廳「捉精靈」。

廖倬竩焗扮細食

同場的古佩玲（Kelly）和廖倬竩話題離不開「食」，Kelly說：「日本有好多美食，但都要忍口唔食咁多，因為要保持身形。」廖倬竩表示去過日本三、四次，主要是食和買，大會建議身形略胖的她減肥，問到如何面對美食誘惑？她坦言：「雖然依家要Keep Fit，但見到啲好想食嘅嘢都會食少少，唔擔心減唔切肥，一路食一路減，自己有做運動。」記者笑言她應與其他佳麗分享美食，這樣就可以一齊肥，她笑說：「大家有Share零食，但都係啲健康零食，其實減肥唔難，最緊要減糖戒糖。」又指此行有把握時間買零食。

特派記者陳永峯日本報道