內地活動冇保安羅霖縮沙唔去

「美魔女」羅霖、莊思敏及王灝兒(JW),昨日出席「東方女神」選美大賽記者會,擔任主席評審的羅霖身穿超Deep V裙微露事業線,表示會向佳麗分享備戰心態,要有自信、正面思想及積極減肥。

談及寫真集銷量,羅霖開心表示去書展舉行簽名會當日獲書攤No.1銷量成績,書商更邀請她到廣州舉行簽書活動,但明言沒有安排保安,她指任達華在內地遇襲事件發生後很驚,決定交由經理人公司處理:「相信唔會贊成我去,做咗咁多年內地活動冇試過冇保安。內地啲Fans好熱情,有保安都會照扯你手臂,試過差啲跌同扭親腳。(有冇手多?)有掂到少少o架!都嬲嬲哋!」同場的莊思敏谷胸、露腰上陣大派福利,指最着重佳麗的口才及時間觀念。