鍾舒漫盼珍惜老婆Bob贈生女秘方
Steven宣布婚訊同時承認已為人父，9月與他合體首度踏上紅館開騷的關智斌（Kenny）連聲恭喜：「聽到呢個消息覺得好驚訝兼突如其來，但又開心，佢行入人生另一個階段，呢排成日同佢一齊做嘢，覺得佢愈來愈成熟，我祝福佢呀！」Steven前經理人霍汶希說：「我哋有個Group，祖兒、阿Sa、阿嬌、軒仔個個都有恭喜佢。」
林盛斌（Bob）與Steven相識多年，也在社交網恭喜對方：「咁咪好囉，乖啲嘞！」雖然對Steven已做爸爸毫不知情，亦為他高興：「佢安定做個好爸爸好老公，希望佢努力加油，畀心機做嘢令屋企人過更好生活，日後若果想生女話我知，我畀啲秘方佢，恭喜晒。」另一沙煲兄弟張彥博，對好友結婚毫不知情：「作為好兄弟，我祝佢開開心心、幸福快樂。」舊愛鍾舒漫恭喜之餘亦戥他開心，希望他珍惜未來老婆，做個負責任男人。