余潔滢處女拍劇演人妻

藝人余香凝與妹妹余潔滢前晚出席電影首映禮，剛從希臘旅行返港，曬得一身古銅色，余香凝笑言被同事取笑多了兩個外傭，稍後會偕黃德斌等代表《逆流大叔》，出席美國華盛頓舉行的電影節：「未入行之前，最遠只係去過日本，呢套戲飛足兩年宣傳，我同導演講快啲開續集啦，畀機會我呢個鄉下妹認識世界，最希望有機會走進荷里活。」而余潔滢則透露稍後會首嘗拍劇滋味，越級挑戰演人妻。
余香凝（右）與妹妹余潔滢旅行完畢，叉足電返港。
余香凝（右）與妹妹余潔滢旅行完畢，叉足電返港。

同場的廖子妤透露早前遠赴巴黎出席化妝品牌發布會：「就嚟30歲，都係第一次飛歐洲。（有冇艷遇？）有個法國人走埋嚟搭訕，問我係咪日本人，大家唔係溝通得好好，我又擔心對方來歷，驚遇到變態殺手，所以冇交換電話。其實佢都幾靚仔，可能我錯過咗一次嫁去法國嘅機會喇！」

廖子妤自爆遇上法國靚仔搭訕。
  • 廖子妤自爆遇上法國靚仔搭訕。