緊張前度洪卓立開騷 湯怡：仲好好關係
同是戲迷的藝人衛詩雅和湯怡，昨日現身馬鞍山新港城中心全新面貌的英皇戲院，湯怡是該區街坊，住了20多年，有很多美好回憶，她稱現在街坊睇戲更為幸福，笑言：「我嚟公司嘅戲院可以免費睇戲，我唔介意入戲院廚房幫手，可以整熱狗，建議可考慮加入甜品。」日前任達華在內地出席活動遇襲受傷，湯怡將到內地宣傳電影《某日某月》，她相信公司的安排，自己亦會打醒十二分精神！
衛詩雅Dry爆冇男友
另外，提到在社交網撐前度洪卓立下月舉行的演唱會，湯怡直言對方有請她捧場：「覺得佢第一個騷好難得，亦知佢積極Keep Fit，有Send Message畀佢，幫佢加油。（你哋關係仲好好？）係好好關係、好好朋友。」
衛詩雅則表示感情Dry爆，找不到合「口味」的男友：「依家我發覺，男友一定要大家口味同價值觀差唔多，譬如我唔鍾意部戲嘅導演，佢鍾意嘅話，可能會因為咁分手，喜好唔同唔得，所以一路搵唔到男朋友，真係慘呀！（要男友睇你做嘅戲？）唔使，會驚添，如果佢話我做得唔好，我會嬲到反枱。」
