代羅家英報平安 汪明荃：佢小便好自然
汪明荃九月底將上演多齣粵劇，昨日到電台受訪時透露已開始綵排，丈夫羅家英則剛由日本出席友人大壽返港：「佢8月先開始排戲，佢今次做嘅戲唔係太複雜，我就要同新人演出，所以要排住先。」
問到早前接受前列腺切除手術的羅家英健康情況，汪明荃說：「OK呀，見佢小便嗰啲都好自然，日常生活OK。（提佢注意飲食？）佢自己知，唔鍾意人提佢。（家英哥話你成日哦佢？）佢真係好夜瞓吖嘛，我點幾瞓佢都未瞓喺度睇戲。佢識照顧自己，大家唔使擔心，嚟緊仲有兩個廣告要拍，又要返去橫店拍嘢，佢呢排就真係發（達）。（定期檢查傷口？）傷口冇事，因為割咗，依家等恢復番，半年再檢查，好多男人到呢個年紀都有呢啲情況。」