黃嘉雯變「餓底」半篋零食補給

《2019香港小姐競選》十五位候選佳麗昨日一早出發到東京及熊本拍攝外景。大熱佳麗黃嘉雯被指有家底，家人居於紅磡半億豪宅，她說：「冇留意報道，唔覺得家境對參選有幫助，家人冇喺金錢上支持，只係叫我加油，一向係自己賺錢自己使。」她亦自言沒有黑歷史，不怕被起底。

蔡嘉欣乾糧充飢

正努力Keep Fit的黃嘉雯笑言到日本會暫時放縱自己，帶備半篋零食及杯麵「醫肚」，另一熱門楊詠彤也自爆帶了不少健康零食「充飢」：「好驚餓親，帶咗餅乾、燕麥皮等健康食品。」蔡嘉欣則取笑她說：「佢本來諗住帶一大籮薯片，但係為咗保持身段，所以先改變策略，我都帶咗乾糧充飢。」

姚羽嘉得意舞迎戰

佳麗中身形最高的楊詠彤自言食極唔肥，可能營養全部用來長高。問到眾佳麗自備糧食好像擔心冇啖好食？蔡嘉欣笑說：「就係唔明個個都食極唔肥，唔好睇佢哋咁瘦，個個都好食得，我本身易肥就要節制，高峰期重依家20磅。」

周奕瑋帶領十五位候選佳麗飛東京及熊本拍外景。	梁敏巧（左）與姚羽嘉期待體驗捉魚。	楊詠彤食極唔肥，相反蔡嘉欣（右）好易肥。

梁敏巧指還未清楚行程，聞說要體驗捉魚，覺得畫面應該有趣。姚羽嘉則興奮說：「未試過捉魚，唔會驚，都期待想試。」並笑說：「我哋準備咗隻好得意嘅舞蹈去跳。」