現年46歲的德國超模Heidi Klum與29歲的Rock友未婚夫Tom Kaulitz，被爆於今年2月22日，即兩人相識一周年紀念日秘密簽字結婚及舉行小型私人婚禮，第三度做人妻！同晚，穿便服的兩人被拍得在比華利山著名中餐館食飯慶祝。
據知Heidi與Tom最近才領取結婚證書，計劃下月舉行第二場婚禮，屆時將邀請100名親朋戚友出席。Tom是德國搖滾樂隊Tokio Hotel成員，去年平安夜求婚成功，Heidi當時受訪對男友讚不絕口：「佢係最善良、最甜蜜同最有愛心嘅人，我覺得好幸運，已經唔知對上一次有咁開心係幾時！可能因為佢係德國人，我哋用唔同方式互相理解，目前為止相處得好好，我嘅小朋友都好鍾意佢，好期待我哋結婚！」雖然兩人年齡相差17歲，但Heidi明言沒考慮這個問題：「只要你過得幸福，就冇必要擔心人哋嘅諗法，因為咁樣只會令你有更多皺紋！」
Tom曾與德國模特兒Ria Sommerfeld結婚，兩人離婚後一度復合，但去年再度分開。至於Heidi與Tom拍拖前，與商人Vito Schnabel相戀三年，直至去年九月分手。
今次是Heidi第三段婚姻，她與澳洲名髮型師Ric Pipino於1997年結婚，2002年離婚；2005年，她與英國著名男歌手Seal再婚，兩人育有四名子女，惟2014年離婚收場，而她之前與前度Flavio Briatore亦育有一名女兒。雖然經歷過兩段婚姻，但Heidi今年一月亮相艾倫迪珍妮絲（Ellen DeGeneres）的清談節目時，明言仍然相信愛情及婚姻。