滿月喇！曹敏寶湊仔冇覺好瞓

前港姐冠軍曹敏莉胞妹曹敏寶（Abo），上月為科學家老公林潤生誕下兒子Darius，不經不覺已滿月。Abo昨日帶囝囝返老公祖屋拜祖先，見Darius身穿恤衫及打煲呔，十分可愛！她接受電話訪問時坦言，現時湊仔比生仔更辛苦：「呢個月好似冇瞓過覺！佢一叫我會立即醒。」雖然有請陪月及家傭，但仍然堅持親自湊B：「真係好想一手一腳照顧佢，覺得我嗰套方法先係最啱佢，但我會學吓慢慢放鬆！」問到Darius似邊個？Abo表示囝囝鼻以上似她，鼻以下則似老公。