衛詩雅冇錢裝修專攻12蚊家品

藝人衛詩雅（Michelle）早前購入780萬樓盤，成功上車，但由於花盡積蓄，結果連裝修錢都冇，屋企家具亦要慳住買。日前，她被拍得現身12蚊店掃家品，食街邊牛雜當一餐，更搭電車代步，全方位慳到盡！
慳妹上身<br>衛詩雅精打細算，買12蚊家品都要思前想後。
慳妹上身
衛詩雅精打細算，買12蚊家品都要思前想後。

Michelle入行逾10年，以780萬元買入九龍城一個348呎一房單位，成功當業主！但圓夢背後，當然有所付出，由於要在三個月內付240萬首期，結果要瘋狂接Job搵銀。

上網淘傢俬

畀完首期後，Michelle講明「袋已清」，銀行一蚊都冇，但她堅拒向父母借，所以新屋裝修費欠奉，就連傢俬都只能在淘寶逐樣慢慢淘，由於傢俬未齊，就算已收樓亦未能入伙，真的有苦自己知！

親力親為<br>為了布置安樂窩，每樣擺設衛詩雅都親自挑選。
  • 親力親為
    為了布置安樂窩，每樣擺設衛詩雅都親自挑選。
食雞蛋仔食得津津有味的衛詩雅，懶理被途人認出。
  • 食雞蛋仔食得津津有味的衛詩雅，懶理被途人認出。
當街醫肚<br>當街醫肚努力儲錢供樓的衛詩雅，就算肚餓都只敢食街邊牛雜。
  • 當街醫肚
    當街醫肚努力儲錢供樓的衛詩雅，就算肚餓都只敢食街邊牛雜。
已收樓的衛詩雅，忙為新屋添置傢俬。
  • 已收樓的衛詩雅，忙為新屋添置傢俬。

為了慳得一蚊得一蚊，日前Michelle於灣仔開工後，即「格價專員」上身去睇平價餐具，尤其對12蚊店情有獨鍾，甫入內便狂掃平價貨，不論飯碗、水杯、杯墊全部不理款式，務求掃到超抵價！

企街食牛雜

掃貨完畢，剛好是食飯時間，Michelle連魚蛋粉都唔捨得食，只在街邊篤牛雜、雞蛋仔當一餐。由於太肚餓，她索性站在街頭就地醫肚，就算被途人認出行注目禮，她亦毫不介意。匆匆醫肚後，她四圍閒逛一會就坐車返歸，當然交通工具都是選擇最平的「叮叮」電車，實行慳到盡！