電單車歐遊 林子博最緊要吹水

藝人林子博拍攝無綫新節目《歐洲鐵騎遊》,本月5日牛一亦要「拋妻棄子」,在旅程中度過,幸好太太相當體貼,未有怨言。出發前他說:「預計每日要揸電單車揸足7小時,旅程要穿越德國、捷克、奧地利同意大利等國,淨係執行李都好煩,從未試過出埠要準備咁多行裝,包括求生裝備、電單車專用鞋、車Cam同藍芽等。」

揸電單車算是「孤軍作戰」,子博打趣說:「如果冇帶藍芽,途中同其他拍檔通唔到話嘅話,真係驚悶死!加上隨時有可能迷路,有傾有講可以減低危險性。」他笑言此行引來不少電單車發燒友「葡萄」:「最多謝袁偉豪,佢介紹咗個老闆畀我識,贊助咗好多隨身裝備畀我,真係好貼心!」