姜皓文孖老婆玩「三項鐵人」
歌手鄭融及姜皓文（黑仔）昨日以大使身份出席慈善單車賽活動，鄭融表示數年前才學識踩單車：「我係新手『遊車河』速度，前面加個籃去買餸。（叫埋男友一齊踩？）唔一定，可以搵朋友踩。」黑仔就表示會邀請太太一齊踩，大讚她的體力拍得住自己，兩人經常參加「三項鐵人」：「就係放狗、洗車同買餸！」
黑仔表示慈善賽為眼疾患者籌款，別具意義，因為家人都受眼疾影響：「外母本身有白內障，做咗手術換咗眼角膜，最近又話睇嘢唔清。」鄭融則透露媽媽曾患「飛蚊症」：「好擔心佢有一隻眼會睇唔到嘢，個手術得10%機會成功，好彩佢做完冇事。」
同樣擔任活動大使的還有前國家體操運動員李小鵬，他在台上帶領做熱身操，與司儀對答期間笑言兩名女兒盡得他遺傳富運動細胞，有潛質做運動員。