「舊情敵」碰頭 安德尊同兆尊仲係好友
昨日不少祥哥與祥嫂的生前好友往弔唁，包括汪明荃、阮兆祥、何麗全、蔡一傑與兆尊的紅顏知己車厘子等。曾傳出與鄧兆尊因爭車厘子而不和的安德尊，昨晚一身黑西裝到場，被問到是否與兆尊和好？他說：「不嬲都係朋友，（同祥嫂定兆尊熟啲？）兩個都熟，過年會同祥嫂拜年。（兆尊呢？）間唔時會見到，我同佢係好朋友，人生都幾十年啦，你哋（記者）有心喇！」對於祥嫂離世，他表示難過。
汪明荃逗留近40分鐘才離開，講到跟祥嫂的難忘回憶時，她說：「佢成日都跟喺祥哥身邊做慈善，祥哥係粵劇界前輩，又做過八和主席，我好尊重佢。今日最難得係佢哋四個兄弟姊妹一齊盡孝道，好安慰。」對於有傳八和會館會為祥嫂舉辦紀念活動，她則否認其事。
現場有多位圈中人送花牌，包括汪明荃夫婦、蔡一智、蔡一傑、蘇志威、阮兆祥及黃夏蕙、譚詠麟、譚倩紅與葉家寶等。
