泳兒MV玩暗黑 化身天使魔鬼混合體

歌手泳兒昨日推出新歌《野木蘭》,一改以往風格大玩暗黑一面:「其實自己『暗啞底』好鍾意Minor嘅歌,陰沉帶點Dark嘅歌曲,呢次如願以償好開心。」新碟邀得填詞人周耀輝設計一系列以「花」為主題的歌,第二首《野木蘭》透視內心陰暗面。

為配合主題,泳兒親自邀請Sheng Wong及Fmlik擔任MV導演,造型方面亦度身訂造,飾演似人非人、似天使非天使、似魔鬼非魔鬼的「生物」,坦言不認同凡事非黑即白:「人生有好多灰色地帶,可能人先係最複雜。」希望透過MV讓歌迷反思,給自己思想游走的機會,不應該太抑壓陰沉的一面。